युएई विश्वकपमा छनोट

काठमाडौं । युएई दक्षिण अफ्रीकामा आयोजना हुने आईसीसी यू-१९ महिला टी-ट्वान्टी विश्वकपमा छनोट भएको छ ।

मलेसियामा जारी छनोट अन्तर्गत बिहीबार अन्तिम खेलमा थाइल्याण्डलाई ६ विकेटले पराजित गर्दै युएई विश्वकपमा छनोट भएको हो ।

थाइल्याण्डले दिएको ८५ रनको लक्ष्य युएईले १७ ओभर १ बलमा ४ विकेट गुमाएर पूरा गर्यो ।

त्यसअघि थाइल्याण्डले पहिले ब्याटिङ गर्दै २० ओभरमा ८ विकेट गुमाएर ८४ रन जोडेको थियो ।

यस जितसँगै युएईले ५ खेलमा १० अंक जोड्यो ।

थाइल्याण्ड ८ अंक जोडेर दोस्रो स्थान रह्यो ।

छनोटमा नेपालसहित, आयोजक मलेसिया, युएई, थाइल्याण्ड, भुटान र कतार सहभागी थिए ।