लेवान्डोस्कीको बायर्न छाड्ने मन

एजेन्सी । फरवार्ड रोबर्ट लेवान्डोस्कीले बायर्न म्युनिखसँग नयाँ सम्झौतामा हस्ताक्षर नगर्ने बताएका छन् । जर्मन क्लबले पोल्याण्डका फरवार्डले क्लब छाड्न चाहेको बताईरहेका बेला लेवान्डोस्कीले बायर्नसँग नयाँ सम्झौतामा हस्ताक्षर नगर्ने प्रस्ट पारेका हुन् ।

क्लबका निर्देशक हसन सालिहामिदजिकका अनुसार लेवान्डोस्कीको सम्झौता अर्को जुनमा समाप्त हुदैछ । र उनले क्लब छाड्न चाहेको बताएका छन् । 

लेवान्डोस्कीले भनेका छन्, ‘मैले क्लबलाई भनेको छु, यदी कुनै प्रस्ताव आउँछन् भने यसको बिषयमा विचार गर्न आवश्यक छ । क्लबका लागि पनि ।’ 

‘हामीले दुवैका लागि राम्रो समाधान खोज्न आवश्यक छ ।’ उनले थपेका छन् । 

‘म नयाँ सम्झौतामा हस्ताक्षर गर्दिन ।’ 

पछिल्लो दुई फिफा प्लेयर अफ दि ईयरको अवार्ड जितेका लेवान्डोस्कीले बुन्डेसलिगाको अन्तिम खेलमा बायर्नका लागि गोल गरेका थिए । सो खेलमा बायर्नले उल्र्फसवर्गसँग २–२ गोलको बराबरी खेलेको थियो ।

उनी सन् २०१४ मा बायर्न आएपछि ३ सय ७४ खेलमा ३ सय ४४ गोल गरेका छन् । उनी गर्ड मुलरपछि क्लबका लागि सर्वाधिक गोलकर्ता हुन् । 

‘हाम्रो धारणा परिवर्तन भएको छैन ।’ सालिहामिदजिकले भनेका छन्, ‘तथ्य के हो भने, उनको सम्झौता सन् २०२३ को जुन ३० सम्म रहेको छ ।’ 

बोरुसिया डर्टमण्डबाट आएपछि लेवान्डोस्कीले सबै ८ सिजन लिग उपाधि जितेका छन् । साथै उनले सन् २०१९÷२० को च्याम्पियन्स लिगको उपाधि समेत हात पारे । 

गत वर्ष लेवान्डोस्कीले ४९ वर्षिया मुलरको एकै सिजनमा सर्वाधिक गोल गर्ने कीर्तिमान भंग गरेका थिए । उनले ३४ खेलमा ४३ गोल गरेका थिए । 

उनले यस सिजन समेत सबै प्रतियोगितामा ४५ खेलमा ४९ गोल गरेका छन् । 

लेवान्डोस्कीका एजेन्टका अनुसार उनी बार्सिलोना जान चाहन्छन् । तर बार्सिलोनाले कुनै औपचारिक प्रक्रिया अघि बढाएको छैन । 

तर लेवान्डोस्की यस सिजन कुनै पनि हालतमा बायर्न छाड्न चाहेका छन् । उनले प्रस्ट रुपमा यो कुरा क्लबसमक्ष राखिसकेका छन् ।