झापाको लगातार दोस्रो जित

काठमाडौं । झापा फुटबल क्लबले सहिद स्मारक 'सी' डिभिजन लिगमा लगातार दोस्रो जित निकालेको छ ।

एन्फा कप्लेक्स सातदोबाटोमा मंगलबार भएको खेलमा ओसिस क्लबलाई १-० ले हराउँदै झापाले लगातार दोस्रो जित निकालेको हो ।

झापाको जितमा पुजन राईले निर्णायक गोल गरे । उनले खेलको आठौं मिनेटमा गोल गरेका थिए ।

यस्तै खेलको ४५ औं मिनेटमा कबिरस तामाङले रातो कार्ड पाएपछि ओसिस १० खेलाडीमा समेटिएको थियो ।

जितसँगै झापाले २ खेल ६ अंक जोडेको छ ।  पहिलो खेलमा झापाले  समाज कल्याण खेलकुद केन्द्रलाई हराएको थियो ।

ओसिसको यो लगातार दोस्रो हार हो ।

पहिलो खेल ओसिस सानेपासँग पराजित भएको थियो ।