काठमाडौं । च्याम्पियन्स लिग फुटबल अन्तर्गत सेमिफाइनलको पहिलो लेगमा आज राति रियल मड्रिड र म्यानचेस्टर सिटीबीच प्रतिस्पर्धा हुँदैछ ।
स्पेनिस क्लब र इंग्लिस क्लबबीचको खेल राति १२:४५ बजे सुरु हुनेछ । खेल सिटीको मैदान इतिहाद स्टेडियममा हुनेछ ।
घरेलु मैदानमा सिटी रियललाई हराउँदै फाइनल यात्रा सहज बनाउन चाहन्छ । तर, करिम बेन्जिमाले अग्रपंक्ति सम्हालेको रियललाई हराउँन सिटीलाई सहज छैन ।
रियल पनि घरेलु टोलीलाई स्तब्ध बनाउन चाहन्छ । प्रिमियर लिगको लिग लिडर सिटीविरुद्ध रियललाई सहज भने हुने छैन ।
रियलले क्वाटरफाइनलमा चेल्सीलाई हराएको थियो । सिटीले भने एट्लेटिको मड्रिडलाई हराएको थियो ।
दुई टोलीबीचको दोस्रो लेग आगामी मे ५ मा हुनेछ । दोस्रो लेग रियलको मैदानमा हुनेछ ।
-1753545694.jpg)
