एसईई कप फुटसल बैशाखमा

काठमाडौं । विद्यालयस्तरीय फुटसल 'एसईई कप' प्रतियोगिता बैशाखमा हुने भएको छ । ब्राइट फिउचार स्कुलको आयोजनामा एसईई कप आयोजना हुन लागेको हो ।

प्रतियोगिता बैशाख २२ गते नैकापमा आयोजना हुनेछ ।

प्रतियोगिताको विजेताले ६० हजार रुपैयाँ र ट्रफी प्राप्त गर्ने छन् । विजेता टिमका खेलाडीलाई ब्राइट फिउचारले छात्रवृत्ति समेत दिने बताएको छ ।

यस्तै उपविजेता र उत्कृष्ट  खेलाडीलाई समेत पुरस्कारको व्यवस्था गरिएको आयोजकले जानकारी गराएको छ ।

टिम दर्ता र थप जानकारी बारे आयोजकले छिटै घोषणा गर्ने समेत बताएको छ ।