पोल्याण्डविरुद्ध सेनेगल आक्रामक, सेनेगललाई दुई गोलको अग्रता

एजेन्सी । फिफा विश्वकप फुटबलमा सेनेगलले पोल्याण्डविरुद्ध २ गोलको अग्रता बनाएको छ । खेलको पहिलो हाफमा १ - ० ले अघि रहेको सेनेगेलले दोस्रो हाफमा थप एक गोल थपेको छ ।

मस्कोको स्पार्टक स्टेडियममा खेलको ६० औं मिनेटमा एमबाए निअङले गोल गर्दै सेनेगललाई २ - ० को अग्रता दिलाए  । पोल्याण्डका किपर अघि बढेको फाइदा उठाए उनले ।

यसअघि खेलको ३८ औं मिनेटमा पोल्याण्डका थियागो कोनिकको आत्मघाती गोलबाट सेनेगलले सुरुवाती अग्रता बनाएको हो । इन्द्रिसा गानाले प्रहार गरेको बल थियागोलाई लाग्दै गोलमा परिणत भएको थियो ।