बालोटोली इटालीको टिम बाहिर

काठमाडौं । फरवार्ड मारियो बालोटोली इटालीको राष्ट्रिय फुटबल टिमबाट बाहिरिएका छन् ।

इटाली फुटबलले विश्वकप छनोटको प्ले अफका लागि घोषणा गरेको टिममा बालोटोली अटाएका छैनन् ।

प्रशिक्षक रोबर्टो मानचिनीले प्ले अफ अन्तर्गत नर्थ म्यासेडोनियाविरुद्धका लागि घोषणा गरेको टिममा बालोटोली नपरेका हुन् ।

बालोटोली बन्द प्रशिक्षणमा भने रहेका थिए । सन् २०१८ पछि बालोटोली पहिलो पटक प्रशिक्षणमा परेका थिए ।

उनले अन्तिम पटक सन् २०१८ को सेप्टेम्बरमा इटालीका लागि खेलेका थिए ।

बालोटोली टर्कीको एडना डेमिरस्पोरबाट खेलिरहेका छन् ।  

३१ वर्षका बालोटोलीले इटालीका लागि ३६ खेलमा उनले १४ गोल गरेका छन् ।