अष्ट्रेलियाका पूर्व विकेटकिपर मार्सको निधन

काठमाडौं । अष्ट्रेलियाका पूर्व क्रिकेटर रोड मार्सको निधन भएको छ ।

हृदयघात भएपछि अस्पताल भर्ना भएका मार्सको ७४ वर्षको उमेरमा निधन भएको हो ।

पूर्व विकेटकिपर मार्स अष्ट्रेलियाको बुन्डाबर्गमा बुल्स मास्टर्स च्यारिटी ग्रुपको कार्यक्रममा सहभागी हुन गएका थिए । 

बुन्डाबर्ग पुगेको केही समयमै उनलाई हृदयघात भएपछि आयोजकले अस्पताल पुर्याएको थियो । 

मार्सले अष्ट्रेलियाका लागि ९६ टेस्टमा ३ हजार ६ सय ३३ रन तथा ९२ एकदिवसियमा १ हजार २ सय २५ रन जोडेका थिए।

मार्सले वेस्टर्न अष्ट्रेलियाका लागि ९७ फस्ट क्लब क्रिकेट खेलेका थिए ।