पहिलो हाफमा कोलम्बिया र जापान १ - १ गोलको बराबरीमा

एजेन्सी । विश्वकप फुटबल अन्तर्गत कोलम्बिया र जापानबिचको खेलको पहिलो हाफ १ - १ गोलको बराबरीमा सकिएको छ ।

पहिलो हाफको छैटौं मिनेटमा १ - ० ले पछि परेको कोलम्बियाले ३९ औं मिनेटमा गोल गर्दै खेल बराबरी गरेको हो । कोलम्बियाका जुआन कुडार्डोले फ्रिकिकमा गोल गर्दै खेल १ -१ को बराबरीमा ल्याएका छन् ।

यसअघि खेलको छैटौं मिनेटमा सिन्जी कागवाले पेनाल्टीमा गोल गरेका थिए  । कोलम्बियाका कार्लोस सान्चेजले हातले बल रोकेपछि जापानलाई पेनाल्टी दिएको हो ।

रेफ्रीले सान्चेजलाई रातो कार्ड देखाएका छन् । र, कोलम्बिया १० खेलाडीमा सिमित भएको छ ।