सुदुरपश्चिम ललितपुर मेयर्स कपको फाइनलमा

काठमाडौं ।  सुदुरपश्चिम प्रदेश दोस्रो संस्करणको ललितपुर मेयर्स कप टी-ट्वान्टी  महिला च्याम्पियनसिपको फाइनलमा प्रवेश गरेको छ ।

शनिबार भएको खेलमा लुम्बिनी प्रदेशलाई ३८ रनले हराउँदै सुदुरपश्चिम फाइनलमा पुगेको हो ।

सुदुरपश्चिमले दिएको १ सय २९ रनको लक्ष्य पछ्याएको लुम्बिनीले २० ओभरमा ५ विकेट गुमाएर ९० रन मात्र बनाउन सक्यो ।

लुम्बिनीका लागि नेरी थापाले २३ रन बनाईन । यस्तै आश्मा पुलामी मगरले २२ तथा लक्ष्मी चौधरीले १० रन जोडिन ।

सुदुरपश्चिमका लागि कविता कुँवर र सम्झना खड्काले २/२ विकेट लिईन् ।

यस अघि पहिले ब्याटिङ गरेको सुदुरले २० ओभरमा ५ विकेट गुमाएर १ सय २८ रन बनाएको थियो ।

सुदुरपश्चिमका लागि सम्झना खड्काले ४२ रन जोडिन । यस्तै ऋतु कोनुजियाले ३३ तथा कविता जोशीले ३२ रन बनाईन् । कविता कुँवर १० रनमा अविजित रहिन् ।

लुम्बिनीका नेरी थापाले ३ तथा कृतिका मरासिनीले १ विकेट हात पारिन् ।

यस जितसँगै सुदुरपश्चिमले ४ खेलमा ६ अंक जोडेको छ । सुदुरपश्चिम दोस्रो स्थानमा रहेको छ ।

लुम्बिनी ३ खेलमा २ अंक जोडेर तेस्रो स्थानमा रहेको छ । लुम्बिनीको फाइनल सम्भावना सकिएको थियो ।

सुदुरपश्चिमले उपाधिका लागि एपीएफसँग खेल्नेछ ।

एपीएफले ३ खेलमा ६ अंक जोडेको छ ।  एपीएफले एक खेल खेल्न बाँकी रहेको छ ।