करुणाको उत्कृष्ट बलिङमा एपीएफ विजयी

काठमाडौं । ललितपुर मेयर महिला टी–ट्वान्टी च्याम्पियनशीपमा नेपाल एपीएफ क्लबले विजयी सुरुआत गरेको छ । 

टियु क्रिकेट मैदानमा मंगलबार भएको दोस्रो खेलमा प्रदेश नं. १ लाई ६ विकेटले पराजित गर्दै एपीएफले विजयी सुरुआत गरेको छ ।

प्रदेश १ ले दिएको ५८ रनको लक्ष्य एपीएफले ११ दशमलब ४ ओभरमा ४ विकेट गुमाउदै पुरा गर्यो । 

एपीएफको जीतमा ज्योती पाण्डेले सर्वाधिक २३ रन जोडिन् ।

रोमा थापा १५ तथा ममता चौधरी २ रनमा अविजित रहे । 

राजमती ऐरी ४ तथा कप्तान सिता राना मगरले १ रनमा आउट भए । 

प्रदेश १ का लागि सवनम राईले २ तथा हेरमायी रोय र कप्तान रुविना क्षेत्रीले एक–एक विकेट लिए ।   

यस अघि टस जितेर पहिले ब्याटिङ गरेको प्रदेश १ ले निर्धारित २० ओभरमा ९ विकेट गुमाउदै ५७ रन मात्र बनाउन सक्यो । 

प्रदेश १ का लागि सवनम राईले सर्वाधिक १६ रनको योगदान गरिन् । 

अन्य कुनैपनि ब्याटरले दोहोरो अंकमा रन बनाउन सकेनन । 

एपीएफकी करुणा भण्डारीले सर्वाधिक ३ विकेट हात पारिन् । 

करुणाले ४ ओभर बलिङ गर्दा ३ मेडन ओभर फाल्दै केवल ५ रन खर्चिईन् ।

राजमती ऐरीले २ विकेट लिदा रेखा रावल र सुमन विष्टले एक–एक विकेट हात पारे ।