हारबाट जोगियो बार्सिलोना

काठमाडौं । युरोपा लिग फुटबल अन्तर्गत अन्तिम ३२ को पहिलो लेगमा बार्सिलोनाले बराबरी खेलेको छ ।

बिहीबार राति भएको खेलमा बार्सिलोनाले इटालियन क्लब नापोलीसँग १-१ गोलको बराबरी खेलेको हो ।

घरेलु मैदानमा खेलको ५९ औं मिनेटमा फेरान टोरेसले पेनाल्टीबाट गोल गरेपछि बार्सिलोना हारबाट जोगिएको हो ।

त्यसअघि खेलको २९ औं मिनेटमा पिओट्र जिलिन्सकीले गोल गर्दै नापोलीलाई अग्रता दिलाएका थिए ।

अब बार्सिलोना र नापोलीबीचको दोस्रो लेग फेब्रुअरी २४ मा हुनेछ ।

दोस्रो लेग नापोलीको मैदानमा हुनेछ ।