पोखरा । तेस्रो लोककवि अलिमियाँ स्मृति खुल्ला सेभेन ए साइड फुटबल प्रतियोगिता फागुन तेस्रो सातादेखि आयोजना हुने भएको छ ।
नेपाल मुस्लिम युवा समितिको आयोजना हुने प्रतियोगिता फागुन २१ देखि २८ गते सम्म आयोजना हुने भएको संयोजक अब्बु बकर मियाँले बताए ।
प्रतियोगिता विजेताले नगद एक लाख २५ हजार नगद सहित ट्रफि, मेडल, प्रमाण पत्र प्राप्त गर्ने छ । उपविजेता टिमले नगद ७५ हजार सहित ट्रफि, मेडल र प्रमाण पत्र प्राप्त गर्ने छ ।
त्यस्तै सेमीफाइनल पुग्ने अन्य दुई टिमलाई १०÷१० हजार प्रदान गरिने छ भने उत्कृष्ट खेलाडी, डिफेन्डर, मिड फिल्डर, हाई स्कोरर र गोलकिपरलाई जनही पाँच हजार पुरस्कार प्रदान गरिने आयोजकले जनाएको छ ।
प्रतियोगितामा ५० टिमले सहभागिता जनाउने आयोजकले जनाएको छ । त्यसैगरी प्रतियोगिता सम्पन्न गर्न आठ लाख ७५ हजार खर्च लाग्ने अनुमान गरिएको छ ।
प्रतियोगिताको मूख्य प्रायोजकमा हिडन क्लब एण्ड लाउन्ज (गोंगबु बसपार्क) र एल मडिना प्यालेसका प्रोप्राइटर तथा युवा व्यावसायी श्री समिर खान (टाइगर जिन्दा हैं) रहेका छन् ।
प्रथम पुरस्कार लोककवि अलिमियाँका नाति हिक्मत अलिमियाँले प्रायोजन गरेका छन् भने दोस्रो पुरस्कार प्रायोजकमा पोखरा महानगरपलिका १३ का वडा अध्यक्ष लेखबहादुर तामाङ (दर्शन लामा) रहेका छन् । प्रतियोगिता पोखरा १३ स्थित माछापोखरी खेल मैदानमा आयोजना हुनेछ ।
