एनआरटीले संकटालाई हरायो   

काठमाडौं । कतार एयरवेज सहिद स्मारक 'ए' डिभिजन लिग फुटबलमा न्युरोड टिम एनआरटीले संकटा क्लबलाई हराएको छ ।

सातदोबाटोस्थित एन्फा कम्प्लेक्समा बिहीबार भएको खेलमा एनआरटीले संकटालाई १-० गोल अन्तरले हराएको हो ।

एनआरटीलाई जित दिलाउन स्टेफेन समिरले निर्णायक गोल गरे ।

खेलको २८ औं मिनेटमा स्टेफेन एनआरटीलाई जित दिलाउन निर्णायक गोल गरेका हुन् ।

सरोज तामाङको लामो पासमा संकटाका दुई डिफेन्डरलाई बिट गर्दै उनले गोल गरेका थिए ।

यस जितसँगै एनआरटीले ११ खेलमा १७ अंक जोडेको छ ।

एनआरटी पाँचौं स्थानमा उक्लिएको छ ।

संकटाले ११ खेलमा १५ अंक जोडेको छ ।

संकटा छैटौं स्थानमा रहेको छ ।