नयाँ सडक डर्बीमा एनआरटीमाथि संकटा बलियो

काठमाडौं । भित्री काठमाडौंका दुई खास प्रतिस्पर्धीमा पर्छ, एनआरटी र संकटा ।

कुनै समय यी दुई टिम भिड्दा प्राय: झगडा हुने गथ्र्यो, अचेल यस्तो छैन् । तर अझै यी दुई टिमबीचको खेल तनावपूर्ण हुने गर्छ ।

नयाँ सडक डर्बी मान्न मिल्ने यस खेलमा पछिल्लो समय संकटा बलियो देखिएको छ ।

सहिद स्मारक लिग ए डिभिजनका पछिल्ला ५ संस्करणमा यी दुई टिमबीच तीन भेट भएको छ ।

त्यसमा संकटा दुई पल्ट विजयी रहेको छ भने एक खेल बराबरीमा टुंगेको छ ।

वर्ष ०७६ र ०७५ को दुवै अवसरमा संकटा १–० ले विजयी रह्यो ।

वर्ष ०६९ को खेल भने १–१ को बराबरीमा छुटेको थियो ।