एजेन्सी । विश्वकप फुटबल अन्तर्गत आजको दोस्रो खेलमा पोल्याण्ड र सेनेगलबीच प्रतिस्पर्धा हुँदैछ ।
पोल्याण्ड र सेनेगलबीचको खेल नेपाली समय अनुसार ८ : ४५ बजे सुरु हुनेछ । मस्कोको स्पार्टक स्टेडियममा हुने खेलमा दुवै टोली ३ अंक जोड्ने लक्ष्यसहित मैदान उत्रने छन् ।
युरोपियन राष्ट्र पोल्याण्डको यो आठौं विश्वकप हुनेछ । र, पोल्याण्ड १२ बर्षपछि विश्वकप खेल्दैछ । पोल्याण्डले पछिल्लो पटक सन् २००६ को विश्वकप खेलेको थियो । पोल्याण्डसँग युरोपियन लिगमा जमेको खेलाडीको साथ हुनेछ । मुख्यत्, पोल्याण्ड कप्तान रोबर्टो लेवान्डोस्कीको प्रेरणामा हुनेछन् ।
यता, दक्षिण अफ्रिकी राष्ट्र सेनेगल दोस्रो पटक विश्वकप खेल्दैछ । सेनेगलले पहिलो पटक सन् २००२ को विश्वकप खेलेको थियो । सेनेगलको मुख्य खेलाडी हुनेछन् - साडियो माने । युरोपियन क्लबमा जमेका साने सेनेगलको चिनिएका अनुहार हुन् ।
सम्भावित प्लेइङ ११ पोल्याण्ड : वोजेक सिजेन्ने, म्याकिज रेबस, मिचेल पाचडन, जान बेडनारेक, लुकास पिसजेक, कमिल ग्रासिकी, जेक गोराल्स्की, ग्रजर्ज क्रेचोयाक, ज्याकुब ब्लास्जेकोस्की, पियोट्र जिलेन्स्की, रोबर्टो लेवान्डोस्की
सम्भावित प्लेइङ ११ सेनेगल : खादिम एन्डिए, लामिने गासामा, कारा बोद्जी, कालिदु कोलिबाले, युसुफ साबले, पेपे इण्डिए, चेखाउ कोयाटे,,गाना इद्रिस्सा,केइटा बाल्डे, एमबाए निएन्ज,साडियो माने
रोबर्टो लेवान्डोस्की (पोल्याण्ड)
सेनेगलविरुद्ध मैदान उत्रदा पोल्याण्ड अट्याकिङ खेललाई जोड दिनेछ । पोल्याण्डको उक्त खेललाई साथ दिने छन्, कप्तान रोबर्टो लेवान्डोस्की ।
ब्यवसायिक फुटबल जर्मन क्लब वायर्न म्युनिखबाट खेल्ने २९ वर्षिय लेवान्डोस्की टिमकै मुख्य खेलाडी हुन् । चलाख उनि बिपक्षिलाई काबुमा राख्न र गोल गर्न माहिर मानिन्छन् । यो सिजन क्लबलाई च्याम्पियन बनाउन उनले ३० खेलमा २९ गोल गरेका थिए । त्यस्तै च्याम्पियन लिगको ११ खेलमा लेवान्डोस्कीले ५ गोल गरेका थिए ।
क्लब फुटबलमा उत्कृष्ट फुटबल पस्कदै आएका लेवान्डोस्कीले सेनेगलविरुद्ध पनि उत्कृष्ट खेल पस्कने विश्वास लिइएको छ । लेवान्डोस्कीले राष्ट्रिय टोलीबाट ९५ खेल खेल्दै ५५ गोल गरिसकेका छन् ।
साडियो माने (सेनेगल)
पोल्याण्ड र सेनेगलबीचको खेलमा चर्चामा रहने खेलाडी हुन्, साडियो माने । इन्ग्लिश क्लब लिभरपुलका फरवार्ड मानेले प्रिमियर लिगमा उत्कृष्ट खेल्दै आएको छ । आज हुने खेलमा सेनेगलले मानेबाट आशा राखेको छ ।
२६ वर्षिय यी स्ट्राइकरले यो सिजन ११ खेलमा १० गोल गरेका थिए । मानेले लिभरपुललाई च्याम्पियन्स लिगको फाइनलमा पुर्याउन महत्वपूर्ण भुमिका निर्वाह गरेका थिए ।
राष्ट्रिय टोलीबाट ५२ खेल खेलेका मानेले १४ गोल गरीसकेका छन् । त्यसैले आज पोल्याण्डका डिफेन्डर माने टाउको दुखाईको बिषय बन्नेछन् ।
-1750132667.webp)
