बराबरीमा रोकियो युनाईटेड 

काठमाडौं । इंग्लिस प्रिमियर लिग फुटबलमा म्यान्चेस्टर युनाईटेड बराबरीमा रोकिएको छ  ।

शनिबार भएको खेलमा युनाईटेडले साउथह्यापटनसँग १-१ गोलको बराबरी खेलेको हो ।

घरेलु मैदानमा सुरुआती अग्रता जोगाउन नसक्दा युनाईटेड रोकिएको हो ।

खेलको २१ औं मिनेटमा जाडोन सान्चोले गोल गर्दै युनाईटेडलाई सुरुआती अग्रता दिलाएका थिए ।

तर, खेलको ४८ औं मिनेटमा चे एडम्सले गोल गर्दै साउथह्यापटनलाई १-१ गोलको बराबरीमा फर्काए ।

यस बराबरीसँगै युनाईटेडले २४ खेलमा ४० अंक जोडेको छ । युनाईटेड पाँचौं स्थानमा रहेको छ । 

साउथह्यापटन २९ अंक जोडेर दशौँ स्थानमा रहेको छ।