मछिन्द्र लिग उपाधि नजिक

काठमाडौं । मछिन्द्र फुटबल क्लब सहिद स्मारक ए डिभिजन लिगको उपाधि नजिक पुगेको छ । शनिबार च्यासलविरुद्ध प्राप्त शानदार जित र उपाधि होडमा रहेको मनाङ र थ्री स्टारको बराबरीले मछिन्द्रलाई उपाधिको नजिक पुर्याएको हो ।

दिनको तेस्रो खेलमा उपाधि होडमा रहेको मनाङले थ्री स्टार क्लबसँग बराबरी खेलेसँगै त्यसको प्रत्यक्ष फाईदा मछिन्द्रलाई पुगेको हो । मछिन्द्रले लिगको तालिकामा स्पष्ट ६ अंकको अग्रता लिएको छ । लिगमा अब मात्र तीन चरणको खेल बाँकी छ । मछिन्द्रलाई एक जितले मात्र लिगको उपाधि च्याम्पियन बनाउनेछ ।

तालिकाको शीर्ष स्थानको मछिन्द्रले ९ खेलबाट २६ अंक जोडेको छ । उपाधि होडमा रहेको मनाङ २० अंक सहित दोस्रो र आर्मी १९ अंक सहित तेस्रो स्थानमा छ ।