काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) ले साँघुरो जित निकालेको छ ।
शुक्रबार राति भएको खेल पीएसजीले रेनसलाई १-० गोल अन्तरले हराएको हो।
पीएसजीको जितमा केलियन एमबाप्पेले निर्णायक गोल गरे ।
उनले खेलको इन्जुरी समयमा लियोनल मेस्सीको पासमा गोल गरेका थिए ।
यस जितसँगै पीएसजीले लिगमा १६ अंकको अग्रता बनाएको छ ।
पीएसजीले २४ खेलमा ५९ अंक जोडेको छ ।
रेनस ३७ अंक जोडेर पाँचौं स्थानमा रहेको छ ।
