रोनाल्डोको ४०० मिलियन फलोअर्स

काठमाडौं । इंग्लिस क्लब म्यानचेस्टर युनाईटेडका फरवार्ड क्रिस्टियानो रोनाल्डो इन्स्टाग्राममा ४०० मिलियन फलोअर्स पाउने पहिलो व्यक्ति बनेका छन् ।

पोर्चुगिज फरवार्ड रोनाल्डोको सामाजिक सञ्जाल इन्स्टाग्राममा ४०० मिलियन फलोअर्स पुगेको हो ।  यस अघि कुनैपनि व्यक्तिको फलोअर्स ४०० मिलियन पुगेको थिएन ।

रोनाल्डो ४०० मिलियन फलोअर्स पाउने पहिलो खेलाडी समेत बनेका छन् । ३७ वर्षीय रोनाल्डोले इन्स्टाग्राममा ५०० लाई फलो गरेका छन् ।

यस अघि रोनाल्डो सामाजिक सञ्जाल फेसबुक, इन्स्टाग्राम र ट्वीटरमा गरि ५०० मिलियन फलोअर्स पुग्ने पहिलो खेलाडी बनेका थिए ।

रोनाल्डो अघि सामाजिक संजालमा कुनैपनि खेलाडीको ५०० मिलियन फलोअर्स पुगेको थिएन ।