डेब्यु खेलाडीको गोलमा युभेन्ट्सको सहज जित

काठमाडौं । इटालियन सिरी ए फुटबलमा युभेन्ट्सले जित निकालेको छ ।

आइतबार राति भएको खेलमा युभेन्ट्सले भेरोनालाई २-० गोल अन्तरले हराएको हो ।

घरेलु मैदानमा युभेन्ट्सलाई जित दिलाउन डेब्यु खेलाडी डुसन भ्लाहोभिच र डेनिस जाकारियाले एक एक गोल गरे ।

खेलको १३ औं मिनेटमा डुसनले गोल गर्दै युभेन्ट्सलाई सुरुआती अग्रता दिलाएका थिए ।

त्यसपछि खेलको ६१ औं मिनेटमा डेनिसले गोल गर्दै युभेन्ट्सलाई २-० गोलको जित दिलाए ।

यस जितसँगै युभेन्ट्स लिगको चौंथो स्थानमा उक्लिएको छ ।

युभेन्ट्सले २४ खेलमा ४५ अंक जोडेको छ ।

भेरोना ३३ अंक जोडेर नवौं स्थानमा रहेको छ ।