रियलको जितमा एसेन्सियोको गोल

काठमाडौं । स्पेनिस ला लिगा फुटबलमा शीर्ष स्थानको रियल मड्रिडले जित निकालेको छ ।

आइतबार राति भएको खेलमा रियलले ग्रानाडालाई १-० गोल अन्तरले हराएको हो ।

घरेलु मैदानमा रियललाई जित दिलाउन मार्को एसेन्सियोले निर्णायक गोल गरे ।

एसेन्सियोले खेलको ७४ औं मिनेटमा गोल गरेका थिए ।

यस जितसँगै रियलले २३ खेलमा ५३ अंक जोडेको छ ।

रियल दोस्रो स्थानको सेभिया भन्दा ६ अंकले अघि रहेको छ ।

ग्रानाडा २४ अंक जोडेर १६ औं स्थानमा रहेको छ ।