नापोलीको सहज जित

काठमाडौं । इटालियन सिरी ए फुटबलमा नापोलीले सहज जित निकालेको छ ।

आइतबार राति भएको खेलमा नापोलीले भेनिजियालाई २-० गोल अन्तरले हराएको हो ।

नापोलीलाई जित दिलाउन भिक्टर ओसिमहेन र आन्द्रे पेटागनाले एक एक गोल गरे ।

खेलको ५९ औं मिनेटमा भिक्टरले गोल गर्दै नापोलीलाई सुरुआती अग्रता दिलाएका थिए ।

खेलको इन्जुरी समयको पाँचौं मिनेटमा एबुईहिले रातो कार्ड पाएपछि भेनेजिया १० खेलाडीमा समेटिएको थियो ।

त्यसपछि खेलको इन्जुरी समयको दशौँ मिनेटमा आन्द्रेले गोल गर्दै नापोलीलाई २-० को जित दिलाए ।

जितसँगै नापोली लिगको दोस्रो स्थानमा उक्लिएको छ ।

नापोलीले २४ खेलमा ५२ अंक जोडेको छ ।

भेनेजिया १८ अंक जोडेर १३ औं स्थानमा रहेको छ ।