लिभरपुल पाँचौं चरणमा

काठमाडौं । प्रिमियर लिग क्लब लिभरपुल एफए कप फुटबलको पाँचौ चरणमा प्रवेश गरेको छ ।

आइतबार भएको खेलमा कार्डिफ सिटीलाई ३-१ गोल अन्तरले हराउँदै लिभरपुल पाँचौं चरणमा पुगेको हो ।

घरेलु मैदानमा ५३ औं मिनेटमा डिएगो जोटाले गोल गर्दै लिभरपुललाई सुरुआती अग्रता दिलाएका थिए ।

खेलको ६८ औं मिनेटमा ताकुमी मिनामिनोले गोल गर्दै लिभरपुललाई २-० को अग्रता दिलाए ।

खेलको ७६ औं मिनेटमा हार्भे इलिओटले गोल गर्दै लिभरपुललाई ३-० को अग्रता दिलाएका थिए ।

त्यसपछि खेलको ८० औं मिनेटमा कार्डिफका रुबिन कोलविलले एक गोल फर्काएपनि लिभरपुल ३-१ ले विजयी भयो ।