इंग्ल्यान्डका कप्तान मोर्गनले खेल गुमाउने 

काठमाडौं । इंग्ल्यान्डका कप्तान इओन मोर्गनले वेस्ट इन्डिजविरुद्धको टी–ट्वान्टी क्रिकेट सिरिजका बाँकी दुई खेल गुमाउने भएका छन् ।

खुट्टाको चोटका कारण मोर्गनले सिरिजमा खेल्न बाँकी रहेका दुबै खेल गुमाउने भएका छन् । 

यस अघि खुट्टामा समस्या आएपछि उनले तेस्रो खेल पनि गुमाएका जुन वेस्ट इन्डिजले जितेको थियो । 

पाँच खेलका सिरिजमा वेस्ट इन्डिज २–१ ले अघि छ । 

बाँकी दुई खेल शनिबार र आईतबार हुने तालिका रहेको छ । 

मोर्गनको स्थानमा मोइन अलीले कप्तानीको जिम्मेवारी सम्हाल्ने भएका छन् ।