प्रिन्स विश्व वरीयताको एक नम्बरमा
काठमाडौं । ब्याडमिन्टनका यूवा स्टार प्रिन्स दाहाल जुनियर विश्व वरीयताको शीर्ष स्थान उक्लिएका छन् ।
विश्व ब्याडमिन्टन महासंघ (बीडब्लुएफ) ले सार्वजनिक गरेको नयाँ वरीयतामा प्रिन्स शीर्ष स्थान उक्लिएका हुन् ।
यस अघिको वरीयतामा प्रिन्स तेस्रो स्थानमा रहेका थिए ।
प्रिन्सले प्राप्त गरेको वरीयता विश्व जुनियर ब्याडमिन्टनमा नेपालको अहिलेसम्मकै सर्वोकृष्ट नतिजा हो । ब्याडमिन्टनको विश्व वरीयताको शीर्ष स्थानमा पुग्ने प्रिन्स पहिलो नेपाली खेलाडी हुन् ।
विश्व ब्याडमिन्टन महासंघले पुरुषतर्फ जुनियर र सिनियरतर्फ गरि दुई स्पर्धामा वरीयता सार्वजनिक गर्दै आएको छ ।
प्रिन्स नेपाली ब्याडमिन्टनका युवा स्टार हुन् । युवा अवस्थामै उनले राष्ट्रिय र अन्तराष्ट्रिय ब्याडमिन्टनमा प्रभाव जमाउँदै विश्व वरीयतामा फड्को मार्दै आईरहेका छन् ।
महिलातर्फ नेपालकी रशिला महर्जन १९ औं स्थानमा उक्लिएकी छिन् ।
