एजेन्सी । इङ्लिस क्लब म्यान्चेष्टर युनाईटेडले प्रिमियर लिगमा पछिल्लाे तीन दशककै खराब सुरुवात गरेकाे छ । प्रिमियर लिगका ९ खेलमा १४ अंक सहित म्यान यु तालिकाको नवौं स्थानमा छ ।
युनाइटेड लिग लिडर म्यान्चेस्टर सिटी भन्दा ९ अंकले पछाडी छ । युनाइटेडको लगातारको खराब प्रर्दशनसंगै 'हाई प्रोफाईल'का प्रशिक्षक जोसे माउरिन्होको भविष्यलाई लिएर विभिन्न चर्चा बाहिर आएका छन् । खराब नतिजाले माउरिन्होको ओल्ड ट्राफोर्ड भविष्यलाई लिएर अनेकौ प्रश्न खडा भएका छन् । युनाईटेडका समर्थक यतिबेला स्ट्राइकर पाउल पोग्वा र प्रशिक्षक माउरिन्होप्रति असन्तुष्ट छन् ।
युनाइटेडमा माउरिन्होको तेस्रो सिजन हो । माउरिन्हो बहिर्गमनसंगै ओल्डट्राफोर्डको कमान्ड कसले समाल्छ, सर्वत्र चासोको बिषय छ ।
माउरिन्होको स्थान लिने सम्भावित प्रशिक्षकलाई यस्ता छन् ।
१. अर्नेष्टो भाल्भार्डे – बार्सिलोना
अर्नेष्टो भाल्भार्डे सामाजिक संञ्जालमा धरै चर्चामा आएका मध्य एक हुन् । उनलाई युनाईटेडको नयाँ प्रशिक्षकको रुपमा हेरिएको छ । उनी बार्सिलोनाका प्रशिक्षक हुन् । भाल्भार्डेल खेलाउने आक्रमक फुटबलको शैलीले युनाईटेडको वर्तमान समस्यालाई समाधान गर्ने अपेक्षा गरिएको छ । ५४ बर्षिय प्रशिक्षक भाल्भार्डेले युनाईटेडलाई सहि बाटो देखाउने बिश्वास लिएको छ ।
२. मौरिसियो पोचेटिनो – टोटनहम
अर्जेन्टिनाका पोचेटिनोले टोटनहम हट्स्परलाई सम्हालेको चार बर्ष पुरा भएको छ । लण्डन क्लबलाई उनले एक हदसम्म सफलता दिलाएका छन् । प्रत्येक सिजन टोटनहमको प्रर्दशन सुधारउन्मुख र नतिजा उन्मुख देखिएको छ । युनाईटेडमा उनको आगमनले प्रिमियर लिग क्लबलाई उत्कृष्ट बनाउने विश्वास लिईएको छ ।
उनको आगमनलाई वर्तमान प्रशिक्षक माउरिन्होले समेत सम्झने अपेक्षा गरिएको छ । पोचेटिनोको आगमनले युवा खेलाडीलाई फाईदा पुग्ने अपेक्षा गरिएको छ । उनी युनाइटेड आएमा युवा खेलाडी मार्कोस रसफोर्ड, जेसे लिङ्गार्ड र एन्थोनी मार्टियलको भविष्य उज्जवल हुने अपेक्षा गरिएको छ ।
३. लाउरेन्ट ब्लान्क – पीएसजी
पुर्व म्यान्चेस्टर युनाइटेडका खेलाडी लाउरेन्ट ब्लान्कले फ्रान्सेली क्लब पेरिस सेन्ट जर्मेन (पिएसजी) मा प्रशिक्षकको रुपमा बिताए । ५२ बर्षका ब्लान्कलाई आकर्षक फुटबलका राम्रो जानकार मानिन्छ । उनी सुन्दर फुटबलसंगै आक्रमक फुटबल खेल्न समेत रुचि राख्छन् । यदी उनी युनाईटेडको प्रशिक्षकको रुपमा अनुबन्धित भएमा क्लबले राम्रो प्रर्दशन गर्ने अपेक्षा गरिएको छ । उनको आगमनले क्लब पुरानै लयमा फर्कने अपेक्षा गरिएको छ ।
४. मेसिलियानो एलिग्री – युभेन्टस
युभेन्ट्सले सिरि ए लिगमा पछिल्लो समय हासिल गरेको सफलताका सानदार पात्र हुन एलिग्री । उनको प्रवेश लगत्तै युभेन्ट्सले च्याम्पियन्स लिगमा उत्कृष्ट प्रर्दशन ग¥यो । सिरि ए को लिग र कप उचाल्ने उनी पहिलो प्रशिक्षक हुन् ।
ठुलो सफलता हात पार्न नसकेपनि धेरै युनाईटेड समर्थकले एलिग्री ओल्डट्राफोर्ड आएको हेर्न चाहन्छन् । उनले आगमनले युनाईटेडले युरोपेली क्लब फुटबलमा राम्रो प्रर्दशन गर्ने अपेक्षा गरिएको छ ।
५. जिनेदिन जिदान
युनाईटेड शहरको ओल्डट्राफोर्डमा माउरिन्होलाई स्थानान्तकण गर्ने सबै भन्दा उपयुक्त पात्रको रुपमा फ्रान्सेली लिजेण्ड जिनेदिन जिदानलाई हेरिएको छ । रियल मड्रिडमा सुखद समय बिताएका जिदान यतिबेला फुर्सदमा छन् । रियल प्रशिक्षकको रुपमा तीन पटक च्याम्पियन्स लिग जितेका जिदान आफै समेत युनाईटेड आउन ईच्छुक छन् ।
विश्व फुटबलका उत्कृष्ट खेलाडी मध्यका एक जिदानले प्रशिक्षकको रुपमा फिफा वेष्ट म्यान कोचको अवार्ड समेत हात पारेका थिए । तीन पटक च्याम्पियन्स लिगको उपाधि जित्न एक्ला प्रशिक्षक जिदानलाई युनाईटेडको भावि प्रशिक्षकको रुपमा हेरिएको छ ।
