नेपालले मोरिसससँग मैत्रीपूर्ण खेल खेल्ने

काठमाडौं । नेपाली राष्ट्रिय फुटबल टिमले अफ्रिकी राष्ट्र मोरिसससँग मैत्रीपूर्ण खेल खेल्ने भएको छ ।

अखिल नेपाल फुटबल संघ (एन्फा) ले मंगलबार नेपालले दशरथ रंगशालामा मोरिसससँग खेल्ने जनाएको छ ।

दुई खेलको मैत्रीपूर्ण  जनवरी २९ र फेब्रुअरी १ मा हुनेछ । 

मोरिसस फिफा वरीयतामा १ सय ७२ औं स्थानमा रहेको छ। 

नेपालले पछिल्लो पटक सेप्टेम्बरमा भारतसँग दशरथ रंगशालामा दुई मैत्रीपूर्ण खेल खेलेको थियो । 

साफ च्याम्पियनसिपको तयारीमा नेपालले दुई मैत्रीपूर्ण खेल खेलेको हो ।  नेपालले पहिलो खेल बराबरी र दोस्रो खेलमा हार व्यहोरेको थियो । 

साफमा नेपाल उपविजेता बनेको थियो ।  फाइनलमा नेपाल भारतसँग ३-० ले पराजित भएको थियो ।