सलाहको निर्णायक गोल

काठमाडौं । इंग्लिस प्रिमियर लिग फुटबलमा लिभरपुलले साँघुरो जित निकालेको छ ।

शनिबार भएको खेलमा लिभरपुलले एस्टन भिल्लालाई १-० गोल अन्तरले पराजित गरेको हो ।

घरेलु मैदानमा लिभरपुललाई जित दिलाउन मोहमद सलाहले निर्णायक गोल गरे ।

सलाहले खेलको ६७ औं मिनेटमा पेनाल्टीबाट गोल गरे । जुन गोल लिभरपुलको जितमा निर्णायक बन्यो ।

यस जितसँगै लिभरपुलले १६ खेलमा ३७ अंक जोडेको छ ।

लिभरपुल लिगको दोस्रो स्थानमा रहेको छ ।

एस्टन १९ अंक जोडेर १२ औं स्थानमा रहेको छ ।