प्रकाशले कम्तिमा दुई खेल गुमाउने

काठमाडौं । फ्रेन्ड्स क्लबका कप्तान प्रकाश बुढाथोकीले सहिद स्मारक ए डिभिजनको कम्तिमा दुई खेल गुमाउने भएका छन् ।

लिग अन्तर्गतको तेस्रो चरणमा थ्री स्टार क्लबविरुद्धको खेलका क्रममा बुढाथोकी घाइते भएका थिए । 

पूर्णरुपमा ठिक हुन समय लाग्ने भएपछि बुढाथोकीले कम्तिमा पनि दुई खेल गुमाउने भएका हुन् ।

‘प्रकाशले दुई वा तीन खेल गुमाउनेछन,’ क्लबका एक पदाधिकारीले जानकारी गराए । 

थ्री स्टारविरुद्धको खेलका क्रममा उनको दाहिने खुट्टामा चोट लागेको थियो ।  

बुढाथोकी अहिले घरमै रहेर उपचार गराइरहेका छन् ।

मंसिर १७ गते भएको खेलमा फ्रेन्ड्सले थ्रीस्टारविरुद्ध १–१ गोलको बराबरी खेलेको थियो ।

फ्रेन्ड्सले चौथो चरणमा मनाङ मस्र्याङदी क्लबविरुद्ध शुक्रबार खेल्नेछ । 

लिग अन्तर्गत तीन खेलबाट दुई अंक जोड्दै फ्रेन्ड्स अहिले १० औं स्थानमा रहेको छ ।