टोटेनहमका आठ खेलाडीमा कोरोना

काठमाडौं । इंग्लिस क्लब टोटेनहमका आठ जना खेलाडीमा कोरोना भाईरसको संक्रमण देखिएको छ ।

टोटेनहमका मुख्य प्रशिक्षक एन्टोनियो कोन्टेले आठ खेलाडीमा कोरोना संक्रमण भएको बताएका छन् ।

प्रशिक्षक कोन्टेले पाँच स्टाफमा समेत कोरोना संक्रमण देखिएको बताए ।

युरोपा कन्फेरेन्स लिग अन्तर्गत रेनसविरुद्धको खेल अघि टोटेनहमका खेलाडीमा कोरोना देखिएको हो ।

टोटेनहमले बिहीबार रेनससँग खेल्ने तालिका छ । अन्तिम ३२ को सम्भावना कायम राख्न टोटेनहमलाई रेनेसविरुद्ध खेल जित्नुपर्नेछ । 

युईएफएले उक्त खेल तोकिएको मितिमै हुने जनाएको छ । 

त्यसैगरी, टोटेनहमले आइतबार प्रिमियर लिगमा ब्राइटनविरुद्ध खेल्ने छ ।