सिटीले भिल्लालाई हरायो

काठमाडौं । इंग्लिस प्रिमियर लिग फुटबलमा म्यानचेस्टर सिटीले एस्टन भिल्लालाई हराएको छ ।

बुधबार राति भएको खेलमा सिटीले भिल्लालाई २-१ गोल अन्तरले हराएको हो।

भिल्लाको मैदानमा रुबेन डियासले २७ औं मिनेटमा गोल गर्दै सिटीलाई सुरुआती अग्रता दिलाएका थिए ।

खेलको ४३ औं मिनेटमा बेर्नार्डो सिल्भाले गोल गरेपछि सिटीको अग्रता २-० को बन्यो ।

त्यसपछि खेलको ४७ औं मिनेटमा भिल्लाका ओली वाट्किन्सले गोल गरेपनि सिटीले २-१ को जित निकाल्यो ।

यस जितसँगै सिटीले १४ खेलमा ३२ अंक जोडेको छ ।

सिटी लिगको दोस्रो स्थानमा रहेको छ ।

भिल्ला १६ अंक जोडेर १३ औं स्थानमा रहेको छ ।