चेल्सी शीर्ष स्थानमा यथावत  

काठमाडौं । इंग्लिस प्रिमियर लिग फुटबलमा चेल्सीले वाट्फोर्डलाई हराएको छ।

बुधबार राति भएको खेलमा चेल्सीले वाट्फोर्डलाई २-१ गोल अन्तरले हराएको हो ।

चेल्सीको जितमा मासन माउन्ट र हाकिम जिएचले एक एक गोल गरे ।

वाट्फोर्डका इमानुएल डेनिसले एक गोल फर्काए ।

वाट्फोर्डको मैदानमा माउन्टले २९ औं मिनेटमा गोल गर्दै चेल्सीलाई सुरुआती अग्रता दिलाएका थिए ।

४३ औं मिनेटमा डेनिसले गोल गर्दै वाट्फोर्डलाई १-१ गोलको बराबरीमा ल्याए ।

तर, खेलको ७२ औं मिनेटमा जिएचले गोल गर्दै चेल्सीलाई २-१ को जित दिलाए ।

यस जितसँगै चेल्सीले शीर्ष स्थान कायम राखेको छ ।

चेल्सीले १४ खेलमा ३३ अंक जोडेको छ ।

वाट्फोर्ड १३ अंक जोडेर १७ औं स्थानमा रहेको छ ।