लिभरपुलका पूर्व मिडफिल्डर केनेडीको निधन

काठमाडौं । इंग्ल्यान्डका पूर्व मिडफिल्डर रे केनेडीको निधन भएको छ ।

पार्किन्सन रोगबाट पीडित केनेडीको ७० वर्षको उमेरमा निधन भएको हो ।

केनेडीले इंग्ल्यान्डका लागि १७ खेलमा ३ गोल गरेका थिए ।

उनले क्लब फुटबलमा लिभरपुल र आर्सनलबाट खेलेका थिए ।

केनेडीले एनफिल्डमा ३ सय ९३ खेल खेल्दा ७२ गोल गरेका थिए ।

लिभरपुलका लागि उनले पाँच लिग र तीन युरोपियन उपाधि जितेका थिए ।

आर्सनलका लागि केनेडीले २ सय १२ खेलमा ७१ गोल गरेका थिए ।