काठमाडौं । झापा भेट्रान्स फुटबल क्लब र पोखरा-११ भेट्रान्स क्लब मेयर कप भेट्रान्स फुटबल प्रतियोगिताको क्वाटरफाइनलमा प्रवेश गरेका छन् ।
त्रिपुरेश्वरस्थित दशरथ रंगशालामा बिहीबार काभ्रे भेट्रान्सलाई ३-० ले हराएर झापाले नकआउट चरणमा स्थान बनाएको हो ।
झापाको जितमा रमेश गुरुङ, बिमार गुरुङ अंकुरकुमार खड्कीले एक एक गोल गरे ।
जितसँगै समूह 'ई' बाट झापाले नकआउट चरणमा स्थान बनाएको हो । झापाले २ खेलमा ६ अंक जोड्यो ।
यस्तै पोखराले झम्सिखेल भेट्रान्सलाई ६-० ले पराजित गर्यो ।
पोखराको जितमा ईश्वर गुरुङले दुई गोल गरे । दिलिप गुरुङ, महेन्द्र गुरुङ, नरेन्द्र गुरुङ र संजय गुरुङले एक एक गोल गरे ।
जितपछि समूह 'जी' बाट पोखराले क्वाटरफाइनलमा स्थान बनाएको हो ।
पोखराले २ खेलमा ६ अंक जोड्यो ।
यस्तै अर्को खेलमा चितवन भेट्रान्सले बुटवल नगरपालिकासँग ४-४ गोलको बराबरी खेलेको छ ।
चितवनका लागि रमेश थापाले ह्याट्रिक पूरा गरे । कन्या सुब्बा गुरुङले एक गोल थपे ।
बुटवलका लागि यामु रानाले दुई गोल गरे । चन्द्रिका चौधरीले एक गोल गर्दा एक गोल आत्मघाती उपहार पाएको थियो ।
यस बराबरीसँगै समूह एफबाट चितवन क्वाटरफाइनलमा पुगेको छ ।
बिहीबारको खेलसँगै फुटबलर्स मिसन टुगेदरको आयोजनामा जारी प्रतियोगिताको क्वाटरफाइनल समीकरण समेत पूरा भएको छ ।
अब क्वाटरफाइनलमा नेपाल आर्मीले भनिमंडल एफसीसँग खेल्नेछ । फ्रेन्ड्स क्लबले खुमलटार भेट्रान्ससँग खेल्दा झापाले चितवनसँग खेल्नेछ ।
अन्तिम क्वाटरफाइनलमा पोखराले एसएनकेसीसँग खेल्नेछ ।
प्रतियोगिताको विजेताले ५ लाख र उपविजेताले २ लाख ५० हजार पाउने पाउने छन्।
त्यस्तै विधागत रुपमा उत्कृष्ट खेलाडीलाई विशेष पुरस्कारको व्यवस्था गरिएको आयोजकले जनाएको छ ।
-1751593454.webp)
