काठमाडौं । फ्रेन्ड्स क्लब मेयर कप भेट्रान्स फुटबल प्रतियोगिताको नकआउट चरणमा प्रवेश गरेको छ ।
त्रिपुरेश्वरस्थित दशरथ रंगशालामा बुधबार भएको खेलमा बौद्ध फुटबल क्लबलाई ५-० गोल अन्तरले पराजित फ्रेन्ड्स क्वाटरफाइनलमा पुगेको हो ।
फ्रेन्ड्सको जितमा कप्तान डम्बर बिक्रम शाहले दुई गोल गरे । मनोज लामा, श्री राम श्रेष्ठ र तेज थापा मगरले एक एक गोल गरे ।
यस जितसँगै फ्रेन्ड्सले समूह सी बाट दोस्रो चरणमा स्थान बनाएको छ । फ्रेन्ड्सले २ खेलमा ४ अंक जोड्यो ।
बौद्धले अंक जोड्न सकेन र समूह चरणबाटै बाहिरिएको छ ।
प्रतियोगिता अन्तर्गत नै बुधबार एनआरटिले वी आर ब्रोदरलाई १-० ले हराएको छ ।
एनआरटिको जितमा कप्तान नरेन्द्र श्रेष्ठले निर्णायक गोल गरे ।
फुटबलर्स मिसन टुगेदरको आयोजनामा जारी प्रतियोगितामा २१ टिमले प्रतिस्पर्धा गरिरहेका छन् ।
२१ टिमलाई सात समूहमा विभाजन गरिएको छ । प्रत्येक समूहका विजेता र एक उत्कृष्ट उपविजेता टिमले नकआउट चरणमा स्थान बनाउनेछन् ।
प्रतियोगिताको विजेताले ५ लाख र उपविजेताले २ लाख ५० हजार पाउने पाउने छन्।
त्यस्तै विधागत रुपमा उत्कृष्ट खेलाडीलाई विशेष पुरस्कारको व्यवस्था गरिएको आयोजकले जनाएको छ ।
