बराबरीमा रोकियो ब्राजिल

काठमाडौं । फिफा विश्वकप छनोट अन्तर्गत दक्षिण अमेरिकी छनोटमा ब्राजिल बराबरीमा रोकिएको छ ।

सोमबार बिहान भएको खेलमा ब्राजिल कोलम्बियासँग गोलरहित बराबरीमा रोकिएको हो ।

छनोटको अघिल्लो ९ खेलमा लगातार जित निकालेको ब्राजिलले कोलम्बियालाई भने पराजित गर्न सकेन ।

यस बराबरीसँगै ब्राजिलले १० खेलमा २८ अंक जोडेको छ । ब्राजिल शीर्ष स्थानमा यथावत रहेको छ ।

कोलम्बिया १५ अंक जोडेर पाँचौं स्थानमा रहेको छ ।  

दक्षिण अमेरिकी छनोट अन्तर्गत नै भेनेजुएलाले इक्वेडरलाई २-१ ले हराएको छ ।

यस्तै बोलिभियाले पेरुलाई २-१ ले हराएको छ ।