नेसन्स लिगमा इटाली तेस्रो

काठमाडौं । यूईएफए नेसन्स लिग फुटबलमा इटालीले तेस्रो स्थान हासिल गरेको छ ।

आइतबार भएको खेलमा बेल्जियमलाई २-१ गोल अन्तरले पराजित गर्दै इटाली तेस्रो भएको हो ।

इटालीलाई जित दिलाउन निकोलो बारेल्ला र डोमिनिको बेरार्डीले एक एक गोल गरे ।

बेल्जियमका चार्लेस डी केटेलारेले एक गोल फर्काए ।

नेसन्स लिगको फाइनलमा आज राति स्पेन र फ्रान्सबीच प्रतिस्पर्धा हुनेछ ।