स्पोर्ट्स एकेडेमी साँगा सी डिभिजनमा बढुवा

काठमाडौं । काभ्रेको स्पोर्ट्स एकेडेमी साँगा सी डिभिजनमा बढुवा भएको छ ।

आईतबार भएको फाईनलमा काठमाडौंको संयुक्त नमुना युथ क्लबलाई पराजित गर्दै स्पोर्ट्स एकेडेमी सी डिभिजनमा छनोट भएको हो ।

ललितपुरको सातदोबाटोस्थित एन्फा कम्प्लेक्समा स्पोर्ट्स एकेडेमीले संयुक्त नमुनालाई १–० ले हरायो ।

आईतबारको पहिलो खेलमा पेनाल्टी सुटआउटमा जित निकाल्दै आरसी–३२ सी डिभिजनमा छनोट भएको थियो ।

आरसी–३२ ले झापाको समाजसेवी क्लबलाई पेनाल्टी सुटआउटमा ५–३ गोल अन्तरले पराजित गर्यो ।

योसंगै यस वर्ष सी डिभिजनमा बढुवा हुने दुई टिमको टुङ्गो लागेको छ ।

अन्तिम टिमको टुङ्गो सोमबार हुनेछ । अन्तिम फाईनल खेलमा बाजुराको रानीवन र नुवाकोट सोमबार भिड्नेछन् ।