श्रीलंकालाई हराउँदै माल्दिभ्स दोस्रो स्थानमा

काठमाडौं । घरेलु टिम माल्दिभ्सले साफ च्याम्पियनसिप फुटबलमा दोस्रो जित निकालेको छ ।

मालेस्थित राष्ट्रिय रंगशालामा आइतबार श्रीलंकालाई १-० गोल अन्तरले हराउँदै माल्दिभ्सले दोस्रो जित निकालेको हो।

माल्दिभ्सको जितमा अलि अस्फाकले निर्णायक गोल गरे ।

खेलको छैटौं मिनेटमा अस्फाकले निर्णायक गोल गरेका थिए । 

यस जितसँगै माल्दिभ्स दोस्रो स्थानमा उक्लिएको छ । माल्दिभ्सले ३ खेलमा ६ अंक जोडेको छ ।

माल्दिभ्सले फाइनलमा स्थान बनाउने सम्भावना बलियो समेत बनाएको छ ।

श्रीलंका भने प्रतियोगिताबाट बाहिरिएको छ ।

पुछारको श्रीलंकाले ४ खेलमा १ अंक जोडेको छ । नेपाल २ खेलमा ६ अंक जोडेर शीर्ष स्थानमा रहेको छ ।

नेपालले आज भारतविरुद्ध प्रतिस्पर्धा गर्नेछ । नेपाल र भारतबीचको खेल राति ९:४५ बजे सुरु हुनेछ ।