फाबियान्स्कीको बिदाइ खेलमा पोल्याण्ड विजयी

काठमाडौं । फिफा विश्वकपको युरोपियन छनोटमा  पोल्याण्डले फराकिलो जित निकालेको छ ।

शनिबार राति भएको खेलमा पोल्याण्डले सान मारिनोलाई ५-० गोल अन्तरले पराजित गरेको हो ।

पोल्याण्डको जितमा कारोल स्विडेर्स्की, टोमस्ज केडजिरो, एडम बुक्सा र क्रेजिस्टोफ पियाटेकले एक एक गोल गरे ।

मारिनोका क्रिस्टियन ब्रोल्लीले एक आत्मघाती गोल गरे ।

यस जितसँगै पोल्याण्डले गोलकिपर लुकास फाबियान्स्कीको सुखद बिदाइ गरेको छ ।

३७ वर्षीय गोलकिपरको यो पोल्याण्डको लागि अन्तिम खेल हो ।

उनले पोल्याण्डका लागि ५७ खेल खेल्दै अन्तराष्ट्रिय फुटबलबाट सन्यास लिएका छन् ।

खेलको ५८ औं मिनेट मैदानमा बिताएका उनलाई अन्य खेलाडीले गार्ड अफ अनर दिएका थिए ।

फराकिलो जितपछि पोल्याण्डले ७ खेलमा १४ अंक जोडेको छ ।

समूह आई को पोल्याण्ड अंक तालिकाको तेस्रो स्थानमा रहेको छ ।