अमेरिका शीर्ष स्थानमा

काठमाडौं । फिफा विश्वकप छनोट अन्तर्गत कोन्काफको छनोटमा अमेरिकाले जमैकालाई हराएको छ ।

शुक्रबार बिहान भएको खेलमा अमेरिकाले जमैकालाई २-० गोल अन्तरले पराजित गरेको हो ।

अमेरिकाको जितमा रिकार्डो पेपीले दुई गोल गरे ।

खेलको ४२ औं मिनेटमा पेपीले गोल गर्दै अमेरिकालाई सुरुआती अग्रता दिलाएका थिए ।

त्यसपछि खेलको ६२ औं मिनेटमा पेपीले व्यक्तिगत दोस्रो गोल गर्दै अमेरिकालाई २-० को जित दिलाए ।

यस जितसँगै अमेरिका अंक तालिकाको शीर्ष स्थानमा उक्लिएको छ ।

अमेरिकाले ४ खेलमा ८ अंक जोडेको छ ।

जमैका १ अंक जोडेर पुछारमा रहेको छ ।