पेरुले चिलीलाई हरायो

काठमाडौं । फिफा विश्वकप छनोट अन्तर्गत दक्षिणअमेरिकी छनोटमा पेरुले चिलीलाई हराएको छ ।

शुक्रबार भएको खेलमा पेरुले चिलीलाई २-० गोल अन्तरले पराजित गरेको हो ।

पेरुको जितमा क्रिस्टियन क्युभा र सर्जियो पेनाले एक एक गोल गरे ।

खेलको ३५ औं मिनेटमा क्युभाले गोल गर्दै टिमलाई सुरुआती अग्रता दिलाएका थिए ।

त्यसपछि खेलको ६४ औं मिनेटमा पेनाले गोल गर्दै पेरुलाई २-० को जित दिलाए ।

यस जितसँगै पेरुले १० खेलमा ११ अंक जोडेको छ ।

पेरु सातौं स्थानमा रहेको छ ।

चिली ७ अंक जोडेर आठौं स्थानमा रहेको छ ।

अर्को खेलमा इक्वेडरले बोलिभियालाई ३-० ले हराएको छ ।

इक्वेडरको जितमा इनर भ्यालेन्सियाले दुई गोल गरे । माइकल एस्ट्राडाको नाममा एक गोल रह्यो ।

यस जितसँगै इक्वेडरले १० खेलमा १६ अंक जोडेको छ । इक्वेडर तेस्रो स्थानमा उक्लिएको छ ।

बोलिभिया ६ अंक जोडेर नवौं स्थानमा रहेको छ ।