किरणले गरे सिंहको कीर्तिमानमा बराबरी

काठमाडौं। भारतविरुद्धको दोस्रो अन्तर्राष्ट्रिय खेल गोलरक्षक तथा कप्तान किरण चेम्जोङका लागि विशेष रह्यो, किनभने यस खेलसँगै उनी नेपालका लागि सर्वाधिक खेल खेल्ने खेलाडी बनेका छन् ।

अब उनले जति खेल नेपालका लगि खेल्नेछन्, त्यो एक अर्थमा नयाँ नयाँ कीर्तिमान भएर जानेछ । त्यो दोस्रो खेल उनले जितेको ७४ औं क्याप हो ।

यही खेलसँगै एउटा अर्को कीर्तिमान पनि किरणले बराबरी गरेका छन् र त्यसमा भने कमैले मात्र हेक्का राखे । नेपालले किरणको नेतृत्वमा खेलेको यो १७ औं खेल थियो ।

एक गोलरक्षकका रूपमा उपेन्द्रमान सिंहले पनि १७ खेलमा नै नेपालको नेतृत्व गरेका छन् । यस्तोमा किरणले आफ्नै गुरुको नाममा रहेको कीर्तिमान बराबरी गरेका छन्, कप्तान गोलरक्षकको ।  

खासमा किरणलाई अहिले जत्तिको अब्बल दर्जाको गोलरक्षक बनाउन सबैभन्दा ठूलो हात तिनै सिंहको रहेको छ । उमेर समूहको खेलाडी रहेको बेला किरणलाई तिखार्ने काम गोलरक्षक प्रशिक्षकका रूपमा सिंहले नै गरेका थिए ।

फेरि किरण यो तथ्य बिर्सन पनि चाहँदैनन् र मान्छन्, सिंह गोलरक्षक प्रशिक्षकमध्ये सबैभन्दा अब्बल छन् ।

उनले सिकाउन शैली र ढाँचा नै बेग्लै । भारतविरुद्धको त्यही खेलमा विशाल श्रेष्ठले नेपाली गोलपोस्ट सम्हालेका थिए । अझ ठ्याक्कै भन्दा किरणकै स्थानमा विशालले मैदानमा प्रवेश गरेका थिए ।

नेपाली फुटबलको अर्को एउटा महत्त्वपूर्ण तथ्य के भने विशाल नेपाली राष्ट्रिय टिमको गोल पोस्ट सम्हाल्ने १५ औं गोलरक्षक हुन् । 

र, यो पनि ...

कप्तान किरणको कीर्तिमान