काठमाडौं । नेपालले आज आइतबार भारतसँग दोस्रो मैत्रीपूर्ण फुटबल खेल खेल्दैछ।
त्रिपुरेश्वरस्थित दशरथ रंगशालामा हुने मैत्रीपूर्ण खेल अपरान्ह ५:३० बजे सुरु हुनेछ ।
दुबै टिम जित निकाल्ने लक्ष्यसहित मैदान उत्रने छन् ।
नेपालले भारतसँगको पहिलो मैत्रीपूर्णमा १-१ गोलको बराबरी खेलेको थियो ।
माल्दिभ्समा आयोजना हुने साफ च्याम्पियनसिपको तयारीका लागि नेपालले भारतसँग मैत्रीपूर्ण खेलिरहेको हो।
साफ च्याम्पियनसिप अक्टोबर १ देखि १६ (असोज १५ देखि ३०) गतेसम्म आयोजना हुनेछ।
दर्शकलाई प्रवेश -
कोरोना महामारीबीच भईरहेको मैत्रीपूर्ण खेलमा दर्शकलाई प्रवेश दिईने छ।
अखिल नेपाल फुटबल संघ एन्फाले ५१ सय दर्शकलाई सरकारले अनुमति दिएको जनाएको छ ।
तर, खेल हेर्ने दर्शकले कोभिडको पूर्ण खोप लगाएको हुनु पर्नेछ। अथवा कोरोना परिक्षणको रिपोर्ट नेगेटिभ आएको देखाउनु पर्नेछ।
टिकट मूल्य -
सरकारले दर्शकलाई अनुमति दिएसँगै एन्फाले दुई मैत्रीपूर्ण खेलको टिकट मूल्य तोकेको छ ।
एन्फाले सामान्य प्यारापिटतर्फ १ हजार र भीआईपीतर्फ २ हजार टिकट मूल्य राखेको छ ।
टिकट प्रभु पेबाट किन्न सकिनेछ ।
प्रत्यक्ष प्रशारण -
मैत्रीपूर्ण अन्तर्गत दुबै खेल टेलिभिजनबाट प्रत्यक्ष प्रशारण हुनेछ ।
एन्फाले हिमालय टेलिभिजनबाट प्रत्यक्ष प्रशारण हुने जनाएको छ ।
यस्तै युट्युबमा ओएसआर स्पोर्ट्सबाट लाईभ हेर्न सकिनेछ ।
-1751205100.jpg)
