न्युजिल्याण्डमाथि बंगलादेशको पहिलो जित

काठमाडौं । घरेलु टिम बंगलादेशले पहिलो टी-ट्वान्टी क्रिकेटमा न्युजिल्याण्डलाई पराजित गरेको छ ।

ढाकामा बुधबार बंगलादेशले न्युजिल्याण्डलाई ७ विकेटले पराजित गरेको हो ।

यससँगै बंगलादेशले न्युजिल्याण्डमाथि पहिलो जित निकालेको छ । 

न्युजिल्याण्डले दिएको ६१ रनको सामान्य लक्ष्य बंगलादेशले १४ ओभर ६ बलमा मात्र ३ विकेट गुमाएर पूरा गरे ।

बंगलादेशको जितमा शाकिब अल हसनले २५ रन जोडे । कप्तान ममुदुल्लाह अविजित  १४ रन जोड्दा मुस्फिकर रहमान १६ रनमा अविजित रहे ।

न्युजिल्याण्डका अजाज पटेल,कोल म्याककोन्ची र रचिन रविन्द्रले १/१ विकेट लिए ।

यस अघि टस जितेर पहिले ब्याटिङ गरेको न्युजिल्याण्ड  १६ ओभर ५ बलमा अलआउट हुँदै ६० रनमा समेटिएको थियो ।

न्युजिल्याण्डका लागि कप्तान टम लाथम र हेनरी निकोल्सले समान १८/१८ रन जोडे । अन्य खेलाडीले दोहोरो अंक जोड्न सकेनन् ।

बंगलादेशका मुस्ताफिजुर रहमानले ३ विकेट लिए । नासुम अहमेद,  शाकिब अल हसन र मोहमद सैफुदीनले २/२ विकेट लिए ।

यस जितसँगै बंगलादेशले ५ खेलको सिरिजमा १-० को अग्रता बनाएको छ ।