एजेन्सी । लियोनल मेस्सीले पेरिस सेन्ट जर्मेन (पीएसजी)बाट आईतबार राति डेब्यु गरे । उनी पहिलो पटक बार्सिलोना बाहेकको जर्सीमा मैदानमा देखिएका हुन् । मेस्सी ६६ औं मिनेटमा मैदान प्रवेश गरेका थिए, नेयमारको स्थानमा ।
पीएसजीमा मेस्सीको डेब्यु बहुप्रतिक्षित बनेको छ । विश्व क्लब फुटबलका सर्वाधिक सफल खेलाडी मेस्सीलाई नयाँ क्लबबाट हेर्न सबै उत्सुक थिए । पीएसजीको अनुबन्धन मेस्सीको बाध्यता थियो ।
उनी बार्सिलोनामै बस्न चाहन्थे । तर बार्सिलोनाले मेस्सीलाई राख्न नसक्ने भयो । त्यसपछि मात्र उनले पीएसजी रोजेका हुन् । पीएसजीमा नेयमार छन् ।
उनी नेयमारसंग जोडिन पीएसजी आएका हुन् । युरोपेली क्लब फुटबलमा च्याम्पियन्स लिग सहित अझ ठुला प्रतियोगिता जित्ने मेस्सीको सपना छ । वर्तमान अवस्थामा त्यो पीएसजीले मात्र सक्ने देखिन्छ ।
आईतबार राति लिग वानमा डेब्यु गरेका मेस्सीले गोल भने गरेनन् । उनी मैदान छिर्नु अघिनै केलियन एम्बाप्पेले पीएसजीलाई चाहिने दुई गोल गरिसकेका थिए । मेस्सीले केही समय एम्बाप्पेसंग खेले । थाहा छैन, यहीनै एम्बाप्पेसंगको अन्तिम खेल बन्न सक्छ ।
स्पेनिस क्लब रियल मड्रिड कुनै हालतमा एम्बाप्पे अनुबन्धन गर्न चाहन्छ । एम्बाप्पेपनि रियल जान चाहन्छन् । रियल र पीएसजी बीच थोरै पैसामा कुरा मिलेको छैन ।
अन्तिम समयमा त्यो पनि मिल्न सक्छ । तर पीएसजीको जोड एम्बाप्पेलाई क्लबमै राख्नु रहेको छ । पीएसजी एम्बाप्पे जत्तिको खेलाडी गुमाउन चाहदैन । त्यसैले पनि एम्बाप्पेमाथि पीएसजीले अधिकतम जोड गरिरहेका छ ।
मेस्सी, नेयमार र एम्बाप्पेको संयुक्त आक्रमण पीएसजीले मात्र हैन, विश्व फुटबलले हेर्न चाहेको छ । तर सम्भावना निकै कम छ ।
मेस्सी आफै खेल जिवनको उत्तरार्र्धमा छन् । तर मेस्सी अझै केही सिजन उच्च फर्ममा खेल्न सक्ने आँकलन गरिएको छ । पीएसजी आएपछि मेस्सीलाई आफ्नो उत्कृष्ट फर्म फर्काउनुपर्ने चुनौती छ । सोही कारण आईतबार बेन्चबाट मेस्सीले खेलको सुरुवात गरेका थिए ।
प्रशिक्षक मौरिसियो पोचिटिनो समते मेस्सी पूर्ण रुपमा फिट हुन केही हप्ता लाग्ने बताउँछन् ।
‘उनी अझैपनि आफ्नो सर्वश्रेष्ठ फर्मबाट धेरै टाढा छन् । तर उनी राम्रो प्रशिक्षण गरिरहेका छन् । उनी अर्को दुई हप्तामा फिट हुनेछन् ।’ क्लबका प्रशिक्षक मौरिसियो पोचेटिनोले भने ।
सबैभन्दा महत्वपुर्ण कुरा मेस्सीले पीएसजीका लागि डेब्यु गरे । फरक देश, फरक वातावरण, फरक शैली र टिमबाट खेल्न पक्कै कठिन हुन्छ । मेस्सीलाई लिग वानमा फिट हुन केही समय पक्कै लाग्नेछ ।
‘हामी उनीबाट सबैभन्दा राम्रोका लागि पर्खिरहेका छौं । म धेरै खुसी छु कि उनले आफ्नो डेब्यु गरे । यो उनको लागि धेरै महत्वपुर्ण थियो ।’ उनले भनेका छन् ।
प्रशिक्षक पोचिटिनो समेत मेस्सीको डेब्युबाट खुसी छन् । रेइम्सको मैदान भएपछि सबै दर्शक मेस्सीमा झुम्मिएका थिए । त्यो लोभलाग्दो देखिन्थ्यो ।
‘उनको पहिलो छुवाईलेनै टिमलाई दिमागको शान्ति दियो । जित सहित सुरुवात गर्नु उनका लागि पनि राम्रो छ ।’ पोचेटिनोले भने, ‘सबै दर्शकले उनका लागि हुटिङ्ग गरेको सुनेर राम्रो लाग्यो । हाम्रा समर्थकमात्र हैन, यो लियोले कमाएको कुरा हो ।’
