नाडालले क्यानेडियन ओपन नखेल्ने

काठमाडौं । स्पेनिस टेनिस स्टार राफायल नाडालले क्यानेडियन ओपन टेनिस नखेल्ने भएका छन् ।

चोटको कारण देखाउदै नाडालले प्रतियोगिताबाट नाम फिर्ता लिएका छन् ।

नाडाललाई देब्रे खुट्टाको चोटले सताएको बताईएको छ ।

'यो घोषणा गर्दा म माफी चाहन्छु की यस वर्ष क्यानेडियन ओपनमा सहभागी हुन सक्दिन,' नाडालले भनेका छन्, 'मेरो खुट्टा तयार छैन । राम्रो अनुभव गरिरहेको छैन ।'

नाडालले गत साता अमेरिकाको सिटी ओपन टेनिस खेलेका थिए । तर, उनी अन्तिम १६ बाट बाहिरिएका थिए ।

अब नाडालले युएस ओपनसम्म विश्राम गर्ने जनाएका छन् ।

युएस ओपन टेनिस अगस्ट ३० बाट सुरु हुनेछ ।

नाडालले ४ पटक युएस ओपन जितेका छन् ।