पोखरा । अन्नपूर्ण गाउँपालिकाको पाँउदुरकोट युवा क्लबले सहिद स्मारक 'सी' डिभिजन लिग छनौट प्रतियोगिता खेल्ने भएको छ ।
अन्नपूर्ण गाउँपालिका भित्रका क्षमतावान, अनुशासित र प्रतिभावान फुटबल खेलाडीलाई समेट्दै गाउँपालिकाको प्रतिनिधित्वको रुपमा पाँउदुरकोटले छनौट प्रतियोगितामा सहभागिता जनाउने भएको हो ।
पाँउदुरकोट युवा क्लब गण्डकी प्रदेशबाट सहभागिता जनाउने एक्लो टिम हो ।
सी' डिभिजन लिग छनौट भदौमा आयोजना हुनेछ । एन्फाले 'सी' डिभिजन छनौट भदौ १० गतेबाट सुरु हुने जनाएको छ ।
'सी' छनौटबाट तीन टिम 'सी' डिभिजनमा बढुवा हुनेछन् ।
खेलकुदको माध्यमबाट अन्नपूर्ण गाउँपलिकालाई राष्ट्रिय स्तरमा लैजाने प्रयाससँगै खेलमा उच्च संभावना बोकेका खेलाडी र खेलकुदमा भविष्य खोजिरहेकाहरूलाई सुवर्ण अवसर प्रदान गर्ने योजनासहित छनौट प्रतियोगिता खेल्न लागिएको टिम म्यानेजर बिश्वदल गुरुङले बताए ।
गण्डकीबाट सहभागिता जनाउने एक्लो टिम भएकाले सिङ्गो प्रदेश , कास्की र अन्नपूर्ण गाउँपालिका, यहाँका स्थानीयवासी र खेलप्रेमीका लागि यो गर्विलो कुरा रहेको उनले बताए ।
'टिम मजबुत बनाउने हरसंभव प्रयत्न गरिएको छ ।टोलीमा अन्नपूर्ण गाउँपालिकाका मात्र खेलाडीहरुलाई मात्र समावेश गरिए पनि अनुशाषित र क्षमतावान खेलाडीहरुको बर्चस्व छ,' गुरुङले भने, 'सी डिभिजन छनोट खेल्न गण्डकी प्रदेशकै प्रतिनिधित्व गर्दै लिग छनौट खेल्न जाने भएकाले प्रदर्शनमा गण्डकी प्रदेशको प्रतिष्ठालाई शिरोपर गर्दे खेलमा अनुकूल नतिजा सुनिश्चित गर्न शतप्रतिशत दिन टोलि तयार छ ।'
क्लब अध्यक्ष ईश्वर पौडेलका अनुसार हालसम्म अन्नपूर्ण गाउँपालिका , ढिकुरपोखरी युवा संजाल , अन्नपूर्ण फुटबल एकेडेमी , भदौरे फुटबल एकेडेमी र स्थानिय केही खेलप्रेमी शुभेच्छुकहरुको सहयोगमा क्लब गतिशिल भएतापनी कास्की जिल्लाबाट लिग छनोट खेल्ने एकमात्र क्लब भएकाले चौतर्फी साथ सहयोग र अपेक्षा समेत गरेको बताए ।
-1751975074.jpeg)
