डिफेन्डर एक्सेल एस्टनमा अनुबन्धित

काठमाडौं । म्यानचेस्टर युनाईटेडका डिफेन्डर एक्सेल टुवानजीबी एस्टन भिल्लामा अनुबन्धित भएका छन् ।

एस्टनले डिफेन्डर एक्सेललाई एक सिजनको लागि लोनमा अनुबन्ध गरेको हो ।

युनाईटेडसँग २०२३ सम्मको सम्झौता गरेका एक्सेल लोनमा एस्टन लागेका हुन् ।

२३ वर्षीय डिफेन्डर २०१८/१९ को सिजन पनि एस्टनबाट खेलेका थिए ।

एस्टन प्रिमियर लिगमा बढुवा हुँदा उनले उत्कृष्ट प्रदर्शन गरेका थिए ।

युनाईटेडको एकेडेमीमा हुर्किएका एक्सेल सन् २०१५ बाट सिनियर टिममा रहदै आएका छन् ।

युनाईटेडका लागि उनले ३७ खेल खेलेका छन् ।

इंग्ल्यान्डका यू-२१ टोलीबाट खेलिसकेका उनले प्रिमियर लिगमा युनाईटेडका लागि १९ खेल खेलेका छन् ।